Ubuntu:Install party

De Softastur
La revisión del 11 marzu 2009 a les 20:25 por Marquinos (Alderique | contribuciones) (LO MÁS IMPORTANTE:)

Saltar a: navegación, buscar

Próxima Install Party:

  • Xixón, Antiguu Institutu[1], 16 de Mayu (sábadu) de 10.00 - 14.00 y 16.00 - 21.00


Coses qu'hai que saber p'acudir a una Install Party

Install Party

Softastur organiza les denomaes "Install parties", que son actividaes empobinaes a aidar a la xente ensin esperiencia a instalar Ubuntu. La xente qu'organiza estes actividaes failo ensin ánimu de lucru, y p'aidar a la comunidá. Se cortés, y sé bienveníu.

Lo normal en la xente que vien a una Install Party, suel ser el casu del usuariu que quier instalar/prebar Ubuntu, ensin renunciar al so antiguu Sistema Operativu (Windows, Mac...). Si ésti ye'l to casu, has saber que ye necesario compartir l'ordenador con el nuevu sistema, y habrá que facer una partición al discu duru. Esto nun ye más que "reservar" un espaciu dientro del discu, p'allugar nél al nuevu sistema operativu, nesti casu, Ubuntu. Esto nun ye complicao, y ye lo primero que-y fadremos al PC el día de la Install.

El fechu de tener 2 sistemes operativos nel mesmu PC, nun conlleva complicaciones. Siempres qu'anicies l'ordenador, ésti entrugaráte con cuál de los dos quies entamar la sesión.

LO MÁS IMPORTANTE:

Pasu 1 de 2: Revisar errores nel discu duru. Primero de too comprueba si tienes errores de discu. ¿Cómo se fai? Mira equí http://windowshelp.microsoft.com/Windows/es-ES/help/bc1393cf-9f9c-79c7-0f91-9337c2c41f813082.mspx


Pasu 2 de 2: Desfragmentáu del discu duru. Esti procesu ye percenciellu, pero lleva alrodiu de varies hores, y ye por eso que hai de facelu el día/díes enantes de la Install Party en to casa. ¿Cómo se fai?

  • Si tienes Windows XP, la ruta ye: Inicio – Todos los Programas – Accesorios – Herramientas de Sistema – Desfragmentador de Disco
  • Si tienes Windows Vista, fai doble click sobre "Equipo", na ventana que s'abre, calca col botón drechu sobre "Disco local (C:)", escueye "Propiedades", y abriráse otra ventana. Vete a la llingüeta "Herramientas". Ehí tendría de tar el botón pa Desfragmentar el discu escoyíu. Si tienes 2 discos duros (por exemplu C y D) tendrás de facer la mesma operación colos 2.

Si entá tienes dubies y nun sabes cómo facelo, mándanos un mail a: alministradores@softastur.org , un par de díes enantes pa que nos de tiempu a contestate ya igüar el problema.Ye conveniente que desactives el proteutor de pantalles, y l'escanéu automáticu del antivirus, pa favorecer que la desfragmentación se faiga aína. Y llueu: paciencia. Ye probable que'l procesu tarde un par d'hores..


Bien, yá tas preparáu pa dir a la install party. Lo que acabes de facer ye "desfragmentar el discu". El to discu taba fragmentáu, y acabes de reagrupalu, colo que tolos ficheros tarán bien xuntinos y la partición que fadremos el día de la install será más cenciella.

Una última cosa: Encamentámoste a que faigas una copia de seguridá de tolos ficheros que consideres importantes. Esto siempres ta bien, y ye bono pa prevenir accidentes non deseyaos (fallos del suministru eléctricu, errores de discu... etc)

Otres entrugues

  • ¿Qué pasa si nun sé o nun puedo facer el desfragmentáu al discu? Que tendrás que facelu el día de la install party, y pasaráste tol tiempu mirando pa les paredes, porque como yá te diximos tarda un par de hores o trés.
  • El mio PC nun tien esa opción En dalgunos casos, dalgunos usuarios usen una versión de Windows denomada Windows UE, y ye verdá que vien con esa opción deshabilitada. Nun hai igua. Equí tú escueyes: Facémoste la partición, arriesgándonos a perder dalgunos datos, o facémoste la instalación usando Wubi
  • ...