Diferencies ente revisiones de «Proyeutos»

N'esta páxina amosamos tolos proyeutos de traducción de software llibre al asturianu disponibles.

¿Cómo interpreto'l llistáu?

• Proyeutu- Pa ver información del proyeutu, documentación y/o saber cómo collaborar, calca nel enllaz col nome del proyeutu.
• Estáu- Hai tres tipos d'estáu posibles:
  • Manteníu, quier dicir que'l proyeutu ta activu nesti momentu.
  • N'espera, quier dicir que por dalguna circustancia'l proyeutu ta paráu temporalmente.
  • Conxeláu, quier dicir que daquién entamó'l proyeutu pero yá nun ta manteníu, y ta disponible pa quién quiera mantenelu.
• Asignáu a- Equí puedes ver qué usuarios tán trabayando nel proyeutu.
• Descargues- Enllaces onde pueden descargarse les aplicaciones, o les traducciones sueltes.

Quiero entamar un proyeutu nuevu

Si quies entamar un proyeutu nuevu, lo meyor ye indicalo pa que otres persones interasaes puedan trabayar de forma coordinada contigo. Pa esto, namás que ties de modificar la tabla añediendo una fila colos datos del proyeutu. Si nun tas seguru de como facelo avisa a un alministrador pa que lo faiga por ti.

Quiero xunime a ún de los proyeutos

Si quies xunite a la traducción d'un proyeutu yá esistente, failo saber a dalgún de los collaboradores que yá tan nel. Si nun tas seguru de como facelo avisa a un alministrador pa que lo faiga por ti.