Hunspell
| Responsables Proyeutu | |
|---|---|
| Coordinador 1 | Esbardu, Matthew |
| Coordinador 2 | Arcipiescu |
| Coordinador 3 | Xandru |
Hunspell ye un correutor ortográficu y un analizador morfolóxicu diseñáu pa llingües con una morfoloxía rica y complexa, con formación de pallabres compuestes, o con una codificación de carauteres distinta del ASCII de 8 bits, diseñáu nun principiu pal idioma húngaru. Hunspell ta basáu en MySpell
La edición n'asturianu tien como fonte'l Diccionariu de l'Academia de la Llingua Asturiana. La versión actual ye la 1.00, ye una versión estable con cerca d'un millón de flexones de les entraes, control d'apostrofaciones y nomes propios de persones.
Entá nun tien implementada la sufixación de los alverbios "-mente" nin remana aumentativos/diminutivos. Nun futuru próximu amestaránse-y los pallabreros oficiales asoleyaos pola Academia correspondientes a los Cartafueyos normativos y a les Propuestes de Terminoloxía Asturiana (TermAst).
Hunspell funciona como complementu o "add-on" a los programes. Anguaño tán disponibles versiones pa Firefox, LibreOffice y OpenOffice.
