Glosariu/Funcionamientu

De Softastur
La revisión del 18 avientu 2014 a les 21:00 por Mikel (Alderique | contribuciones) (Mikel treslladó la páxina "Diccionariu/Funcionamientu" a "Glosariu/Funcionamientu": Reordenación)

Saltar a: navegación, buscar

Bienllegáu a les páxines de documentación del Glosariu terminolóxicu de Softastur.

¿Como funciona'l diccionariu?

Al entrar nel diccionariu verás un caxellu de busca onde podrás poner el términu que quieras consultar.

Puedes dir a la gueta de términos n'inglés o asturianu indistintamente.

Si namás que hai una coincidencia, cargará de secute'l términu en cuestión y verás la información detallada en tres partes:

  • Inglés: ye'l términu escritu n'inglés.
  • Asturianu: Ye la traducción que-y corresponde al términu inglés, nel casu de qu'heba sinónimos amosaránse toles opciones disponibles.
  • Descripción: Una pequeña descripción n'asturianu del sentíu del términu.

Nel casu de qu'heba más coincidencies, verás un llistáu colos términos que casen cola gueta fecha, y calcando en cada términu podrás ver la páxina cola información detallada como esplicamos enantes.

Cómo interpretu el diccionariu

Cuando consultes un términu verás que la versión n'asturianu puede tener a la so vera un iconu, o dengún.

Esto val pa identificar si'l términu foi revisáu o non pola Academia de la Llingua Asturiana:

  • dalla_18x18.png El términu foi espublizáu pola Academia de la Llingua Asturiana (Cartafueyos normativos nᵁ 5)
  • dalla_temp_26x18.png El términu foi revisáu y aprobáu pola Academia de la Llingua Asturiana, sicasí inda nun ta reflexáu en denguna espublización oficial.
  • Nun hai iconu: El términu ta pendiente de revisión académica (les revisiones fainse cuando hai un númberu bultable de términos).

Otros usos

Instalando'l motor de busca

Motor de busca pal restolador web

Si uses un restolador modernu, podrás amesta-y el motor de busca del diccionariu. Namás que tendríes de dir a la páxina d'entamu del diccionariu y calcar nel caxellu de busca del to restolador y depués en "Amestar Diccionariu Softastur", y yá tará llistu pa usar.

Veceru d'escritoriu

Tamos trabayando nun veceru d'escritoriu pa sistemes GNU/Linux, inda ta en desendolcu.