Ubuntu

De Softastur
Saltar a: navegación, buscar
Ubuntulogo.png
Responsables Proyeutu
Coordinador 1 Mikel
Coordinador 2 Astur
Coordinador 3 Esbardu
Coordinador 4 Marquinos

Ubuntu ye una distribución de GNU/Linux pal escritoriu, basada en Debian y patrocinada por Canonical Ltda, empresa de la que ye dueñu'l sudafricanu Mark Shuttleworth.

El nome de la distribución remanez del conceutu zulú y xhosa d'ubuntu, que significa "humanidá haza otros" o "yo soi porque nosotros somos". Ubuntu ye un movimientu sudafricanu encabezáu pol obispu Desmond Tutu, quien ganó el Premiu Nobel de la Paz en 1984 poles sos lluches escontra del Apartheid en Sudáfrica.

El sudafricanu Mark Shuttleworth, mecenes del proyeuto, alcontrábase enforma familiarizáu cola corriente. Tres ver asemeyances ente los ideales de los proyeutos GNU, Debian y en xeneral col movimientu del software llibre, decidió aprovechar l'ocasión pa difundir los ideales d'Ubuntu. L'eslogan d'Ubuntu – “Linux pa seres humanos” (n'inglés "Linux for Human Beings") – resume una de les sos metes principales: facer de Linux un sistema operativu más accesible y cenciellu d'usar.

La interfaz gráfica oficial qu'ufre Ubuntu, ye l'escritoriu GNOME, magar qu'hai total llibertá y puen usase otros escritorios como KDE. Según esto, Ubuntu recibe dellos nomes distintos:

  • Ubuntu. Por defeutu, cuando usa l'entornu d'escritoriu GNOME
  • Kubuntu, cuando l'escritoriu que se usa ye KDE
  • Xubuntu, cuando l'escritoriu usáu ye Xfce
  • Edubuntu, una distribución d'Ubuntu empobinada al ensiñu
  • Lubuntu, cuando l'escritoriu usáu ye LXDE

Coordinación de traducciones

Descargues

Suite de programes

Ubuntu, ufre una suite oficial de programes nel so paquete básicu, nel que podemos atopar, por exemplu:

  • Firefox, restolador web
  • Evolution, veceru de corréu
  • Open Office, suite ofimática con procesador de testos, fueya de cálculu, presentaciones, etc
  • Gimp, editor de dibuxos
  • Pidgin, veceru de mensaxería nel intre multiprotocolu
  • Totem, reproductor d'audiu y vídeu.
  • Rhythmbox, reproductor de música.
  • Nautilus, restolador de ficheros
  • Eye of Gnome, visor d'imáxenes
  • gedit, editor de testos.
  • Evince, visor de documentos pdf
  • File roller, compresor de ficheros
  • Xsane, xestor d'escaner.
  • Transmission, xestor de descarga de Torrents

Non sólo eso, sinón qu'arriendes, Ubuntu tien toles aplicaciones necesaries y afayadices, pa la xestión de toa triba de xeres, Xestor d'imprentadora, aplicación Bluetooth, aplicación pa Rede inalámbrico (WIFI), xestión de Contraseñes y claves de cifráu, xestor de descarga ya instalación de paquetes de programes Synaptic, actualizador de paquetes Update manager, Métodu d'entrada SCIM, Alministrador de hardware, Curiapantalles, Xestor d'Enerxía, Monitor del Sistema, Seleutor de llingües, Alministración d'usuarios y grupos, Alministración y axustes de tarxeta de soníu, videu, resolución de pantalla, y tolo qu'imaxines hasta completar un robustu ya estable Sistema Operativu.

Enllaces esternos

Guíes

Comunidaes

Eventos

Ubuntízate en Candás

El 7 de payares de 2008 xuntámonos nel Centru La Baragaña de Candás collaboradores de Softastur con xente que quería instalar Ubuntu nel so equipu.

Ubuntízate en Sama

El 16 de xineru de 2009 xuntámonos nes Escueles Dorado de Sama (Llangréu) collaboradores de Softastur con xente que quería instalar Ubuntu nel so equipu.

Install party en Xixón

El 16 de mayu de 2009 xuntámonos nel Antiguu Institutu Xovellanos (Xixón) collaboradores de Softastur con xente que quería instalar Ubuntu nel so equipu.

Taller d'Edubuntu en Sama

El 19 de xunu de 2009 escolinos y maestros probaron la versión educativa d'Ubuntu, Edubuntu, nel Telecentru de Sama (Llangréu).

Charra ya install party en Turón

El 24 de setiembre de 2009 charramos nel Atenéu de Turón (Mieres) collaboradores de Softastur con xente que taba intersao por Ubuntu y pol Software Llibre, al día siguiente (25 de setiembre de 2009) ficimos un taller d'instalación.

Charra y taller d'instalación n'Uviéu

El 20 de payares de 2009, convidaos pola Xunta Pola Defensa de la Llingua, charramos nel Llar Solidariu (Uviéu) collaboradores de Softastur con xente que taba intersao por Ubuntu y pol Software Llibre, al día siguiente (21 de payares de 2009) ficimos un taller d'instalación.

Uiquipedia 50px.png
Heckert gnu.small.png
Esti testu, o parte del mesmu, ta sacáu de Uiquipedia, polo que acuéyese a la Llicencia Documentación Llibre GNU (GNU Free Documentation License).

ver fonte orixinal