OpenOffice

De Softastur

(Redirixío dende OpenOffice.org)
Saltar a: navegación, buscar

Esta páxina ye parte del proyeutu OpenOffice.org 2 icon.pngOpenOffice

OpenOffice.org 2 icon.png  OpenOffice
Portalada-OOo-nast.png
Pantalla d'aniciu en OpenOffice.org 3.2
Desarrollador:
La comunidá del proyeutu OO dientro de The Apache Foundation
Cabera versión:
4.0
23 de xunetu de 2013
Multiplataforma
Xéneru:
Suite ofimática
Llicencia Apache v2.0
http://ast.openoffice.org

OpenOffice ye una suite ofimática de Software Llibre y códigu abiertu de distribución de baldre qu'inclúi ferramientes como procesador de testos, fueya de cálculu, presentaciones, ferramientes pal dibuxu vectorial y base de datos. Ta disponible pa munches y diverses plataformes, como Microsoft Windows, sistemes de tipu Unix col Sistema X Window como GNU/Linux, BSD, Solaris y Mac OS X. Tamién ta disponible pa Mac OS X un programa asemeyáu deriváu denomáu NeoOffice. OpenOffice ta camentáu pa ser compatible con Microsoft Office, col que compite. Soporta l'estándar ISO OpenDocument con lo que ye cenciello l'intercambéu de documentos con munchos programes, y pue ser usaú ensin costu dalgún.

OpenOffice.org tien como base inicial a StarOffice, una suite ofimática desendolcada por StarDivision y alquiría por Sun Microsystems n'agostu de 1999. El códigu fonte de la suite lliberóse en xunetu de 2000, col envís de facer frente al dominiu nel mercáu de Microsoft Office proporcionando una alternativa abierta, de baxu costu y alta calidá. Nel añu 2010, Oracle compra Sun Microsystems, pasando a ser propietariu de tolos drechos sobro OpenOffice, y el 1 de xunu de 2011 Oracle dona a la Fundación de Software Apache el proyeutu ya'l productu, incluyendo códigu fonte, marques comerciales y dominios web. Darréu, el códigu fonte de l'aplicación ta disponible baxo la llicencia de software Apache v2.0.

Desque Oracle dexó el proyeutu a la Fundación Apache el programa vuelve a denomase "OpenOffice", mentanto qu'al ser esti términu una marca rexistrada que taba en posesión d'otra empresa, nes versiones anteriores tuvo qu'adoptase "OpenOffice.org" como nome formal, y abreviáu como OOo.

Ferramientes incluyíes

OOoWriter.svg Writer un procesador de testu, con capacidá para editar arriendes HTML, doc, rtf, txt, etc; Dende la versión 2.3 el programa cunta con una opción en Writer qu'esporta los testos en formatu wiki, como por exemplu para ser asoleyaos en Uiquipedia y demás proyeutos wiki.
OOoCalc.svg Calc pa remanar fueyes de cálculos en xls, csv, ods;
OOoImpress.svg Impress un programa de presentación que soporta formatos odp, ppt, pps, etc;
OOoBase.svg Base un programa de base de datos asemeyáu a Microsoft Access. Base permite la criación y remane de bases de datos, ellaboración de formularios ya informes que proporcionen a los usuarios finales un accesu cenciellu a los datos. Lo mesmo que Access, Base ye quien a trabayar como un front-end pa dellos sistemes de bases de datos talos como'l d'Access (JET), fonte de datos ODBC y MySQL/PostgreSQL. Base ta disponible dende la versión 2.0.
OOoDraw.svg Draw un editor de gráficos de vectores, pa dibuxos, con posibilidá d'esportar al formatu estándar SVG.
OOoMath.svg Math un editor pa fórmules matemátiques.

Estensiones

  • Correutor ortográficu d'asturianu (versión 0.02): descargar
  • Toles estensiones d'OpenOffice: (n'inglés)

Plantíes

Captures de pantalla

Uiquipedia 50px.png
Heckert gnu.small.png
Esti testu, o parte del mesmu, ta sacáu de Uiquipedia, polo que acuéyese a la Llicencia Documentación Llibre GNU (GNU Free Documentation License).

ver fonte orixinal
Usuariu
Diccionariu
Navegación