Ubuntu:Install party

De Softastur
(Redirixío dende Install)
Saltar a: navegación, buscar

Esta páxina ye parte del proyeutu Ubuntulogo.pngUbuntu


Si llegues equí ensin saber qué ye Ubuntu

Lo primero, bienveníu/a. Equí desplicámoste qué tienes que facer enantes de trayer el to ordenador a un taller d'instalación d'Ubuntu. Un taller d'instalación d'Ubuntu ye una xornada na que nos aconceyamos nuna sala, y a la xente que nos traiga l'ordenador, instalámos-y Ubuntu, y si quier dexámos-y Windows. Ye totalmente de baldre y ensin compromisu. Tamién puedes venir si quies saber qué ye Ubuntu.

Ubuntu ye un sistema operativu GNU/linux llibre, col que puedes facer cualesquier xera a la que tes avezáu (Restolar la rede, unviar correos, ver películes, es sentir música, remanar les tos semeyes...). Tienes más información [1] y [2]. Si tovía tienes duldes, nel menú d'enriba puedes contautar con nós (Menú Web/Contautu/Softastur).

Coses qu'hai que saber p'acudir a una Install Party

Install Party

Softastur organiza les denomaes "Install parties", que son actividaes empobinaes a ayudar a la xente ensin esperiencia a instalar Ubuntu. La xente qu'organiza estes actividaes failo ensin ánimu de llucru, y p'ayudar a la comunidá. Sé cortés, y sé bienveníu.

Lo normal en la xente que vien a una Install Party, suel ser el casu del usuariu que quier instalar/probar Ubuntu, ensin renunciar al so antiguu Sistema Operativu (Windows, Mac...). Si ésti ye'l to casu, has saber que ye necesario compartir l'ordenador con el nuevu sistema, y habrá que facer una partición al discu duru. Esto nun ye más que "reservar" un espaciu dientro del discu, p'allugar nél al nuevu sistema operativu, nesti casu, Ubuntu. Esto nun ye complicao, y ye lo primero que-y fadremos al PC el día de la Install.

El fechu de tener 2 sistemes operativos nel mesmu PC, nun conlleva complicaciones. Siempres qu'anicies l'ordenador, ésti entrugaráte con cuál de los dos quies entamar la sesión.


Usuarios de Mac OS X

Si tienes una máquina Apple sigui estes instrucciones específiques.


Usuarios de Windows

Los 4 pasos más importantes (Pa facer en Windows)

  • 1) Ven con espaciu llibre nel discu duru
  • 2) Revisa errores nel discu duru
  • 3) Desfragmenta el to discu duru enantes de venir!!!
  • 4) Faite una copia de seguridá


Pasu 1 de 4: Espaciu llibre nel discu duru. Como mínimo debieres venir con 8 GB llibres nel to discu, aunque cuanto más espaciu llibre tengas, más rápido particionará, desfragmentará y revisará errores en discu. Remembra que l'espaciu pa Ubuntu quitarás-ylu a Windows/Mac. Tamién col tiempu si uses sólo Ubuntu y dexaste sólo 8 GB pa el, agotarás rápidamente l'espaciu (una peli por exemplo son 0,7 GB) al baxar conteníos multimedia. El mio conseyu ye dexar la mitá del discu pa Ubuntu, o 1/3 del discu duru llibre.


Pasu 2 de 4: Revisar errores nel discu duru. Primero de too comprueba si tienes errores de discu. ¿Cómo se fai? Mira equí http://windowshelp.microsoft.com/Windows/es-ES/help/bc1393cf-9f9c-79c7-0f91-9337c2c41f813082.mspx


Pasu 3 de 4: Desfragmentáu del discu duru. Esti procesu lleva alrodiu de varies hores, y ye por eso que hai de facelu el día/díes enantes de la Install Party nel to llar. ¿Cómo se fai?

  • Si tienes Windows XP, la ruta ye: Inicio – Todos los Programas – Accesorios – Herramientas de Sistema – Desfragmentador de Disco
  • Si tienes Windows Vista, fai doble click sobre "Equipo", na ventana que s'abre, calca col botón drechu sobre "Disco local (C:)", escueye "Propiedades", y abriráse otra ventana. Vete a la llingüeta "Herramientas". Ehí tendría de tar el botón pa Desfragmentar el discu escoyíu. Si tienes 2 discos duros (por exemplu C y D) tendrás de facer la mesma operación colos 2.

Si entá tienes dubies y nun sabes cómo facelo, mándanos un mail a: alministradoresSoftastur senes peq.png (o usa'l formulariu de contautu) , un par de díes enantes pa que nos de tiempu a contestate ya iguar el problema.Ye conveniente que desactives el proteutor de pantalles, y l'escanéu automáticu del antivirus, pa favorecer que la desfragmentación se faiga aína. Y llueu: paciencia. Ye probable que'l procesu tarde un par d'hores.



Pasu 4 de 4: Fai una copia de seguridá de tolos ficheros que consideres importantes. Esto siempres ta bien, y ye bono pa prevenir accidentes non deseyaos (fallos del suministru eléctricu, errores de discu... etc)


Bien, yá tas preparáu pa dir a la install party. Lo qu'acabes de facer ye "desfragmentar el discu". El to discu taba fragmentáu, y acabes de reagrupalu, colo que tolos ficheros tarán bien xuntinos y la partición que fadremos el día de la install será más cenciella.

Otres entrugues

  • ¿Qué pasa si nun sé o nun puedo facer el desfragmentáu al discu? Que tendrás que facelu el día de la install party, y pasaráste tol tiempu mirando pa les paredes, porque como yá te diximos tarda un par de hores o trés.
  • El mio PC nun tien esa opción En dalgunos casos, dalgunos usuarios usen una versión de Windows denomada Windows UE, y ye verdá que vien con esa opción deshabilitada. Podrás facer la desfragmentación con un programa como jkDefrag
  • ¿Puede llevase un PC de sobremesa, o ye sólo pa portátiles? Puedes llevar tantu uno como otru, la diferencia ye que tendrás que cargar con más o menos pesu. Si lleves portátil, nun escaezas el coneutor de toma corriente, por si s'escosa la batería; trai tamién tolo que camientes conveniente. Nós avezamos llevar cable de rede, switch, etc, pero según los que seyamos, igual faen falta regletes eléctriques, cable de rede...etc.
  • Tengo una tarxeta de rede wifi nel PC de sobremesa. ¿Valdrá? Nun tendría d'haber dengún problema. Entá hai fabricantes que nun quieren facilitar drivers de les sos tarxetes pa los usuarios llibres. Ayudaría muncho si sabemos qué modelu de tarxeta ye.
  • Quiero Ubuntu, pero non n'Asturianu ¿Podéis instalámelu en Castellanu o otra llingua? Por supuestu. Somos una comunidá LLIBRE y NON ESCLUYENTE. Pondrémoste Ubuntu na llingua que quieras :)

Semeyes de parties anteriores

Equí podrás ver semeyes feches nes install parties anteriores.