Deluge

De Softastur
Saltar a: navegación, buscar
Deluge

Deluge ye un cliente BitTorrent , criáu usando Python y GTK+ (per aciu de PyGTK). Deluge pue usase en cualesquier sistema operativu que respete l'estándar POSIX. Ta enfocáu a brindar un nativu y completu cliente a entornos d'escritoriu GTK como son GNOME y Xfce. Anguaño, alcuéntrase pa Linux (Ubuntu) y ta en desendolcu una versión oficial pa Windows. El programa usa la llibrería de C++ libtorrent]. Hasta la versión 0.4, esti foi desendolcáu per aciu d'una adaptación de la llibrería python-libtorrent pa Python. Na versión 0.5, les adaptaciones a la llibreria python-libtorrent foren fusionaes dientro del cliente principal como la estensión deluge_core. En futuros llanzamientos, camiéntase na utilización de les adaptaciones oficiales de Python pa libtorrent.

Deluge foi criaú por dos miembros de ubuntuforums.org, Zach Tibbitts y Alon Zakai, y nos sos entamos foi abellugáu y sofitáu en Google Code, sicasí agora tien el so propiu sitiu Web, deluge-torrent.org.

Na so etapa de desendolcu inicial, Deluge yera conocíu como gTorrent, darréu de que yera un cliente BitTorrent pa GNOME (la «g» en «gTorrent» refierse a «GNOME»). Cuando la primera versión foi llanzada al públicu el 25 de setiembre del 2006, el cliente renomóse a Deluge pa evitar l'implicación de que'l cliente fuera namái pa Gnome.

El llanzamientu 0.5, que ye estable dende'l 18 de marzu del 2007, ta reescritu ensembre de la versión 0.4.x. El segundu llanzamientu na versión 0.5.x, 0.5.1.1, amestó sofitu pal cifráu, intercambéu de pares, Prefixu binariu y UPnP.


Traducción en Launchpad de Deluge

Uiquipedia 50px.png
Heckert gnu.small.png
Esti testu, o parte del mesmu, ta sacáu de Uiquipedia, polo que acuéyese a la Llicencia Documentación Llibre GNU (GNU Free Documentation License).

ver fonte orixinal