AMule

De Softastur
Saltar a: navegación, buscar
Amule.jpg
Responsable Proyeutu
Coordinador 1 Astur

aMule ye un programa d'intercambéu P2P llibre y multiplataforma, asemeyáu al afamáu eMule que furrula tanto cola rede eDonkey como con Kademlia.

Deriva del códigu fonte de xMule, qu'al empar remanez del proyeutu lMule, el primer intentu de portar el cliente eMule a Linux. Lo mesmo que eMule, aMule distribúise y asoléyase con una llicencia GNU.

L'oxetivu de aMule ye ser un "eMule multiplataforma", furrulando anguaño nos sistemas operativos Linux, FreeBSD, OpenBSD, NetBSD, Solaris, Mac OS X y Windows, y nes arquiteutures x86, AMD64, UltraSPARC, PowerPC, Macintosh (G4, G5,...), Xbox y NSLU2.

Esisten dos versiones de aMule, la versión estable, y la versión de desendolcu (SVN), que s'asoleya a diario colos caberos avances. Anguaño la torna al asturianu ta en desendolcu, dientro de los proyeutos que dirixe y coordina Softastur.

Arquiteutura modular

A diferencia de eMule, aMule soporta metalinks (enllaces magnéticos; dende la versión 2.2.0) y pue ser compiláu como un únicu programa monolíticu o como un "daemon", lo que dexa la so execución en segundu planu, ensin interfaz gráfico y con un menor consumu de recursos. Pa comunicarse col programa esisten tres interfaces diferentes:

  • aMuleCMD: cliente de llinia de comandos.
  • aMuleGUI: cliente d'interfaz gráfico. Anguaño en desendolcu, polo que-y falten munches de les opciones de la versión monolítica, arriendes de nun ser estable.
  • aMuleWEB: webserver que dexa el remane per aciu d'un restolador web.

Arriendes, esiste tou un protocolu de comunicación criáu pa poder desendolcar aplicaciones que se comuniquen bidireicionalmente col ñúcleu del programa.

Estáu del proyeutu

Enllaces esternos

Uiquipedia 50px.png
Heckert gnu.small.png
Esti testu, o parte del mesmu, ta sacáu de Uiquipedia, polo que acuéyese a la Llicencia Documentación Llibre GNU (GNU Free Documentation License).

ver fonte orixinal